მელაძე: ფაილებში ჩემი სატელეფონო მოსმენის შიფრებია

ტელეკომპანია პირველის საინფორმაციო სამსახურის უფროსი, ნოდარ მელაძე წერს, რომ გავრცელებულ ფაილებში, რომელიც, სავარაუდოდ, სუს-ის მიერ ფარულ მოსმენებს ასახავს, მისი სატელეფონო მოსმენების შიფრებია.

“ამ ფაილებში არის ჩემი სატელეფონო მოსმენის შიფრები, ჩემი და ბოდბელი ეპისკოპოსი იაკობის, ჩემი და მამა ანდრია სარიას, ჩემი და მეუფე ნიკოლოზის.

მამა ანდრიას ვესაუბრე WhatsApp-ით. ძალიან ბევრი ჟურნალისტის საუბრებია ამ ფაილებში, მათ შორის ჩემიც, დაურეკე კომენტარი გვინდა-თქო”. – წერს ნოდარ მელაძე.

მელაძის ინფორმაციით, დოკუმენტებში მისი და სასულიერო პირების საბრის შესახებ წერია:

“მიტროპოლიტ პეტრე ცაავას ნდობით აღჭურვილ სასულიერო პირს, მღვდელმონაზონ ანდრია სარიას ტელეკომპანია ტვ პირველის ჟურნალისტმა ნოდარ მელაძემ აცნობა, რომ მ/წლის 25 სექტემბერს ჭყონდიდობის დღესასწაულზე წირვის დასრულების შემდგომ, ამბიონიდან მრევლს მიმართა ნიქოზის მიტროპოლიტმა ისაია ჭანტურიამ, რა დროსაც შეეხო პ.ცაავას ჭყონდიდის ეპარქიაში მოღვაწეობას და შეაფასა დადებითად. ნ.მელაძის თქმით, ფაქტმა გამოიწვია ახალქალაქის მიტროპოლიტ ნიკოლოზ ფაჩუაშვილის აღშფოთება, რომელმაც ი.ჭანტურია ამბიონიდან ჩამოიყვანა იძულებით და მათ შორის მოხდა სიტყვიერი დაპირისპირება”.

13 სეტემბერს გავრცელდა დოკუმენტები, რომლებიც, სავარაუდოდ, სახელმწიფო უსაფრთხოების სამსახურის მიერ მოსმენებს ასახავს. დოკუმენტები რამდენიმე ნაწილისგან შედგება – ისინი სასულიერო პირებსა და მათთან დაკავშირებულ ადამიანებს ეხება. დოკუმენტები შემდეგი სახელებით არის დაყოფილი – “ნაცებთან კავშირები”, “მრუშები”, “კომპროები”, “კრიმინალი და ნარკომანია”, “რუსული გავლენა”, “სასულიერო პირები, რომლებმაც, შესაძლოა, წინასაარჩევნოდ იაქტიურონ”, “ოპოზიციურად განწყობილი პირები 2018”, “საფრთხეები” და ა.შ.

წინა სტატიაშიუდუმაშვილი: რაში სჭირდება “ქართულ ოცნებას” კვირაში სამჯერ ახალ-ახალი კვლევების გამოქვეყნება, ეს კვლევები ღიმილს იწვევს
შემდეგი სტატია“ქართული ოცნების” ცენტრალურ ოფისში საგანგებო ბრიფინგი ჩაინიშნა