რუსეთის უშიშროების საბჭოს თავმჯდომარის მოადგილის, დიმიტრი მედვედევის განცხადებით, რუსეთის წინააღმდეგ სანქციის დაწესება შეიძლება განხილული იყოს, როგორც საერთაშორისო აგრესია რუსეთის წინააღმდეგ და ომის გამოცხადების საფუძველი.
„კიდევ ერთხელ მინდა აღვნიშნო, რომ გარკვეულ პირობებში, ასეთი მტრული ზომები [სანქციების დაწესება] შეიძლება განხილული იყოს, როგორც საერთაშორისო აგრესიის აქტი, და თუნდაც, ომის გამოცხადების საფუძველი“, – თქვა მედვედევმა და დასძინა, რომ „რუსეთს აქვს უფლება, თავი დაიცვას“.
