მედვედევი – რუსეთმა, შესაძლოა, აშშ-ის მტრებს იარაღი მიაწოდოს

რუსული იარაღი შეიძლება მიეწოდოს შეერთებული შტატების ნებისმიერ მტერს, რაც უკრაინის შეიარაღებაზე სიმეტრიული პასუხი იქნება, – ამის შესახებ რუსეთის უშიშროების საბჭოს თავმჯდომარის მოადგილემ, დიმიტრი მედვედევმა განაცხადა, როდესაც აღნიშნულ საკითხზე რუსეთის პრეზიდენტ ვლადიმერ პუტინის მიერ გაკეთებულ კომენტარს გამოეხმაურა.

მისი თქმით, მოსკოვი განიხილავს პასუხს რუსეთზე თავდასხმის მიზნით კიევისთვის იარაღის მიწოდებაზე.

„ეს არის ჩვენი საგარეო პოლიტიკის ძალიან მნიშვნელოვანი ცვლილება. დაე, ახლა შეერთებულმა შტატებმა და მისმა მოკავშირეებმა იგრძნონ საკუთარ თავზე რუსული იარაღის პირდაპირი გამოყენება მესამე მხარის მიერ“, – აღნიშნა მედვედევმა.

მისი თქმით ეს, შესაძლოა, იყოს ნებისმიერი ქვეყანა, რომელიც შეერთებულ შტატებს და მის მოკავშირეებს მტრებად თვლის, „მიუხედავად მათი პოლიტიკური შეხედულებებისა და საერთაშორისო აღიარებისა“.

„მათი მტერი შეერთებული შტატებია, რაც იმას ნიშნავს, რომ ისინი ჩვენი მეგობრები არიან. დაე, რუსული იარაღის გამოყენება ჯერ კიდევ დაუსახლებელი რეგიონების მიერ იყოს რაც შეიძლება დამღუპველი მათი და ჩვენი მოწინააღმდეგეებისთვის. დაე, ჯოჯოხეთის ცეცხლში დაიწვას იმ სახელმწიფოების მგრძნობიარე ობიექტები, რომლებიც კიევს იარაღს აწვდიან. ჩვენ კი გავიხარებთ ჩვენი იარაღის გამოყენებით მათი წარმატებული დარტყმებით ჩვენი საერთო მტრების წინააღმდეგ“, – აღნიშნა მედვედევმა.

banner
წინა სტატიაშიბექა ლილუაშვილი – პირველ რიგში თუ ვინმემ კითხვის ნიშნის ქვეშ დააყენა აშშ-სთან ჩვენი სტრატეგიული პარტნიორობა, ეს არის საქართველოს ხელისუფლება, რომელიც პირდაპირ შეტევაზე გადავიდა
შემდეგი სტატიაკახა კალაძე ბაქოსა და განჯის მერებს შეხვდა