უკრაინის საჰაერო თავდაცვის ძალებმა გასული ღამის განმავლობაში 15 უპილოტო საფრენი აპარატიდან 11-ის ჩამოგდება მოახერხეს, – ამის შესახებ უკრაინის შეიარაღებული ძალების განცხადებაშია ნათქვამი.
„ღამით რუსი დამპყრობლები თავს დაესხნენ უკრაინას ჩრდილო-აღმოსავლეთიდან ირანული წარმოების შაჰედებით, ჩვენმა თავდაცვის ძალებმა 15-დან 11-ის ჩამოგდება მოახერხეს“, – აღნიშნულია განცხადებაში.
უკრაინული მედიის ინფორმაციით, უპილოტო საფრენი აპარატებით თავდასხმის მოგერიებაში მონაწილეობდნენ საზენიტო სარაკეტო დანაყოფები, გამანადგურებელი თვითმფრინავები, საჰაერო ძალების მობილური საცეცხლე ჯგუფები და უკრაინის თავდაცვის ძალების სხვა კომპონენტების საჰაერო თავდაცვა.
