მედიის ცნობით, ევროკავშირის სანქციების გამო, ფინეთში 900-მდე რუსული სატვირთო ვაგონია დაკავებული

ევროკავშირის მიერ დაწესებული სანქციების გამო, ფინეთში 900-მდე რუსული სატვირთო ვაგონია დაკავებული.

უკრაინული მედიის ცნობით, ამას მოწმობს ფინეთის სახელმწიფო სარკინიგზო ოპერატორის მონაცემები და რუსეთის რკინიგზის სამსახურის წერილი, რომელსაც სააგენტო „როიტერი“ გაეცნო.

როგორც მედია წერს, რუსეთის რკინიგზის სამსახურის წერილიდან ირკვევა, რომ ევროკავშირის მიერ აპრილის თვეში რუსული ქვანახშირის შემოტანაზე დაწესებული სანქციების გამო, ფინეთის რკინიგზის ოპერატორმა მიიღო ზომები რუსეთთან სარკინიგზო კავშირების შესამცირებლად, რის შედეგადაც სასამართლო ზედამხედველობის სამსახურის მიერ დაკავებულ იქნა 865 რუსული ვაგონი.

ფინეთის სასამართლო ზედამხედველობის სამსახურმა სააგენტო „როიტერს“ განუცხადა, რომ მათ გაყინეს რამდენიმე ათეული რუსული და ბელარუსული ფიზიკური და იურიდიული პირის აქტივები, მათ შორის სატრანსპორტო ფირმები.

ფინეთის სახელმწიფო სარკინიგზო ოპერატორის წარმომადგენელმა დაადასტურა ფინეთის მიერ რუსული სატვირთო ვაგონების დაკავება. მედიის ინფორმაციით, აღნიშნული ვაგონები ეკუთვნის კომპანიებს, რომლებიც უშუალოდ დაზარლდნენ ევროკავშირის სანქციების გამო, ან სანქციები მათ აქციონერებს შეეხოთ.

წინა სტატიაშირუსეთი ჩვენი სახელმწიფოს ტერიტორიას განიხილავს, როგორც პლაცდარმს სხვა ევროპული ქვეყნების ხელში ჩასაგდებად – ზელენსკი
შემდეგი სტატიაკახა ოქრიაშვილის განცხადება არის კრებითი „ნაციონალური მოძრაობის“ განცხადება და იმეორებს სულისკვეთებას, როდესაც აბულინგებდნენ სხვადასხვა პარტიას – იონათამიშვილი