რუსეთის ქალაქ როსტოვის ცენტრში ჯავშანტრანსპორტიორები გამოჩნდნენ.
გავრცელებული ინფორმაციით, ჯავშანტექნიკა სამხრეთ სამხედრო ოლქის შტაბბინასთან შენიშნეს, რომელიც ბუდენოვსკის პროსპექტისა და პუშკინსკაიას ქუჩის კვეთაზე მდებარეობს.
პორტალი 161, ხელისუფლების წყაროებზე დაყრდნობით იუწყება, რომ პოლიციამ „ციხესიმაგრის“ გეგმა გამოაცხადა და პერსონალი სრულ მზადყოფნაშია.
„არსებობს ბრძანება შსს-ს მთელი შემადგენლობის, რუსეთის გვარდიის საბრძოლო მზადყოფნის და დონეცკის და ლუგანსკის საზღვარზე პუნქტების გაძლიერების შესახებ, მაგრამ გართულება არ არის. უბრალოდ, შემადგენლობა გამოიძახეს“, – აღნიშნულია განცხადებაში.
