“ჰამასის“ მიერ ისრაელზე მოულოდნელი თავდასხმის დაწყების შემდეგ უცხო ქვეყნების ათობით მოქალაქე დაიღუპა, დაკარგულად ითვლება, ან მძევლადაა აყვანილი, – ინფორმაციას “ალ-ჯაზირა“ ავრცელებს.
გამოცემის ცნობით, შაბათს დაწყებული თავდასხმის შემდეგ 20-ზე მეტი ქვეყნის მოქალაქეები და ორმაგი მოქალაქეები დაიღუპნენ ან დაკარგულად ითვლებიან.
გავრცელებული ინფორმაციით, დაღუპულთა შორის არიან აშშ-ის, გაერთიანებული სამეფოს, საფრანგეთის, უკრაინის, რუსეთის, ტაილანდის, ნეპალის, არგენტინის მოქალაქეები.
