ბრიუსელის შარლერუას აეროპორტთან საეჭვო მანქანა შენიშნეს – ამის შესახებ აეროპორტის ოფიციალურმა წარმომადგენელმა ისაუბრა.
მიმდინარე მომენტში მანქანას სპეცსამსახურები ათვალიერებენ, ამასთანავე, ტერმინალი ჩვეულ რეჟიმში მუშაობს. ბრიუსელ-შარლერუა საერთაშორისო აეროპორტია, რომელიც ქალაქიდან 46 კილომეტრში მდებარეობს. ის მგზავრების მიღების მოცულობით მეორეა ბელგიაში.
ბელგიაში აფეთქებების შემდეგ საზოგადოებრივ ტრანსპორტზე უსაფრთხოების ზომები გაძლიერებულია.
ბელგიაში ტერორისტული საფრთხის უმაღლესი, მეოთხე დონეა გამოცხადებული.