მედანის ადმინისტრაციულ ერთეულში საავტომობილო გზის 7 კილომეტრიან მონაკვეთზე სარეაბილიტაციო სამუშაოები განახლდა.
ამ ეტაპზე სახიდე გადასასვლელის მშენებლობა მიმდინარეობს. აღნიშნული სამუშაოები დაათვალიერეს წალენჯიხის მუნიციპალიტეტის მერმა ბესიკ ფარცვანიამ და სამეგრელო-ზემო სვანეთის რწმუნებულის მოადგილე ლუდუკ(ნუკრი) ხასიამ.
მედანის გზის სახარჯთაღრიცხვო ღირებულება შეადგენს 4 525 548 ლარს. სამშენებლო სამუშაოებს ტენდერში გამარჯვებული კომპანია -„პასაჟი საქართველო“ ასრულებს.
სამუშაოები ახალი კორონავირუსის გავრცელების პრევენციის მიზნით, ჯანდაცვის სამინისტროს მიერ შემუშავებული სპეციალური რეკომენდაციის შესაბამისად მიმდინარეობს.
