მეათე საუკუნის ქართულმა ეკლესიამ თურქეთის აღმოსავლეთში, ერზრუმში ტურისტების რაოდენობა გაზარდა, – ამის შესახებ თურქული ონლაინ გამოცემა „დეილი საბაჰი“ წერს. სტატიაში აღნიშნულია, რომ ოშკის სარეაბილიტაციო სამუშაოები გასულ წელს დაიწყო და მისი მიზანი ამ ისტორიული ნაგებობის ძველებური დიდებულებით აღდგენაა. გამოცემის ცნობით, ეკლესია მონასტრის შემადგენელი ნაწილი იყო და ოდესღაც, ქართული დინასტიის მმართველობის დროს, ქრისტიანობის მნიშვნელოვან რელიგიურ ცენტრს წარმოადგენდა.