მიხეილ სააკაშვილი სოციალურ ქსელში იმ პერიოდს იხსენებს, როდესაც ქართველ მეზღვაურებს საერთაშორისო წყლებში მუშაობა აკრძალული ჰქონდათ და აღნიშნავს, რომ დღევანდელი ხელისუფლების პოლიტიკის გამო, ქვეყანა შესაძლოა ისევ იმავე რეალობაში დაბრუნდეს.
„ასე იყო ჩემს პრეზიდენტობამდე და მე და გიორგი კარბელაშვილს დიდი ძალისხმევა დაგვჭირდა, რომ ეს აკრძალვა მოგვეხსნა. ჩვენ გავაუმჯობესეთ მეზღვაურების განათლების პროცესი, ვეხმარებოდით მათ, მათ შორის გამოვიხსენით ქართველ მეზღვაურთა დიდი ჯგუფი სომალელი მეკობრეების ტყვეობიდან. ახლა, როგორც ყველაფერი სხვა, ესეც კლეპტოკრატიული რეჟიმის პირობებში წყალში იყრება“, — აცხადებს მიხეილ სააკაშვილი.
