მე ჭორაობაში ვერავის ავყვები – ოხანაშვილი ბესელიას პასუხობს

region
: region ივნისი 14, 2019 14:40

მე ჭორაობაში ვერავის ავყვები – ოხანაშვილი ბესელიას პასუხობს

მე ჭორაობაში ვერავის ავყვები – ასე პასუხობს მმართველი პარტიის წევრი ანრი ოხანაშვილი ეკა ბესელიას განცხადებას, რომლის მიხედვითაც პირადი ცხოვრების ამსახველი კადრების საქმეზე საეჭვო პირთა წრე გამოიკვეთა.

ანრი ოხანაშვილი ამბობს, რომ ეკა ბესელიამ ინფორმაცია საგამოძიებო ორგანოებს უნდა მიაწოდოს, რადგან სწორედ მათი კომპეტენციაა ამ დანაშაულის გამოძიება.

„ეს საკითხი არის შესაბამის ორგანოს კვლევის საგანი ამიტომ ამ ადამიანმაც უნდა ითანამშრომლოს შესაბამის ორგანოსთან და თვითონ უნდა დაასახელონ. მე ჭორაობაში ვერავის ავყვები. შესაბამისად, სამართალდამცველმა ორგანოებმა უნდა გამოავლინონ ნებისმიერი პირი და თუკი ვინმეს დანაშაული აქვს ჩადენილი სამართლებრივად ყველამ უნდა აგოს პასუხი,“- განაცხადა ანრი ოხანაშვილმა.

საპარლამენტო უმრავლესობის ვიცე-სპიკერი და ბესელიას ყოფილი თანაგუნდელი, გია ვოლსკი ამბობს, რომ პირადი ცხოვრების ამსახველი კადრების გავრცელება, რომელიც კიბერდანაშაულია რთულად გამოსაძიებელია. ამიტომ ვოლსკიც ფიქრობს, რომ ბესელიამ და ყველა პირმა, ვისაც კადრების გავრცელების საქმეზე რაიმე ინფორმაცია აქვს გამოძიებასთან უნდა ითანამშრომლოს და თუ ამის შემდეგ შეამჩნევს, რომ საგამოძიებო უწყება რეაგირებას აგვიანებს, უნდა მოსთხოვოს მას რეაგირება.

„თუკი თავად ეკა ბესელიას ან ნებისმიერ ადამიანს ამ ქვეყანაზე გააჩნია ასეთი ინფორმაცია, სასწრაფოდ უნდა მიაწოდოს საგამოძიებო ორგანოებს და თუ შეამჩნევს,რომ რეაგირება აგვიანებს მათზე უნდა მოითხოვოს რეაგირება,“-აცხადებს გია ვოლსკი.

განცხადება ბესელიამ დღეს გააკეთა. დეპუტატი ამბობს, რომ გონივრული ვადა საქმის გამოძიებისა ამოიწურა, მიუხედავად ამისა, საგამოძიებო უწყებას არ აქვს არანაირი შედეგი. ბესელია აცხადებს, რომ ახალი პარტიის დაფუძნების შემდეგ აღნიშნულ საქმესთან დაკავშირებით დეტალებზე ისაუბრებს და საეჭვო გარემოებებსა და გვარებს დაასახელებს.

region
: region ივნისი 14, 2019 14:40

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


5,333
ვიზიტორი
დღეში
Powered By Google Analytics