მე ასეთი არჩევნების მომსწრე არ ვარ – ასეთი რაოდენობისა და მასშტაბების გაყალბების მომსწრე არ ვარ, – აღნიშნული განცხადება ფილარმონიაში გამართულ ღინისძიებაზე “ნაციონალური მოძრაობის“ წევრმა ზაალ უდუმაშვილმა გააკეთა. მისივე შეფასებით, ბრძოლა ძალიან უთანასწორო იყო.
“ვიცოდით, რომ ეს ბრძოლა უთანასწორი იყო, მაგრამ დარწმუნებული იყავით, რომ ეს ბრძოლა საბოლოო ჯამში აუცილებლად ჩვენი ანუ საქართველოს გამარჯვებით დასრულდება. მრავალ არჩევნებს მოვესწარი. არჩევნებს ხან როგორც ჟურნალისტი ვაშუქებდი, ბოლო ორი წელია როგორც პოლიტიკოსი ვარ ჩართული ამ ბრძოლაში. მე ასეთი არჩევნების მომსწრე არ ვარ – ასეთი რაოდენობის და მასშტაბის გაყალბების მომსწრე მე არ ვარ“, – განაცხადა ზაალ უდუმაშვილმა.
