მძიმე რეალობა, რომელსაც ყველა დემოკრატიული მეთოდით უნდა შევეწინააღმდეგოთ – ასეთია „ევროპული საქართველოს“ერთ-ერთი ლიდერის, გიგა ბოკერიას შეფასება მამუკა ხაზარაძის გადაწყვეტილების შესახებ, რომელიც “თიბისი ბანკს” ტოვებს.
ბოკერია ამბობს, რომ საპარლამენტო უმცირესობა შეეცდება, ხელისუფლებას ეს ნაბიჯი ძვირ პოლიტიკურ ფასად დაუჯინოს.
„თვალნათელია, რომ ეს იყო ივანიშვილის პერსონალური პოლიტიკური დაკვეთა, რომელიც შესრულდა. არ არის გასაკვირი, რომ ბიზნესმა არ აირჩია კონფროტაციაში შესვლა. ჩვენი ამოცანა შემდეგ მოსმენაზე, იმედი მაქვს ბატონი ხაზარაძის მონაწილეობით და ყველა მაღალი თანამდებობის პირის მონაწილეობით, არის მაქსიმალური პოლიტიკური ფასი დავუჯინოთ ხელისუფლებას ეს და ვიზრუნოთ იმაზე, რომ ეს თამაშის წესები შეიცვალოს და ამას სჭირდება ხელისუფლების დემოკრატიული გზით შეცვლა,“ – ამბობს გიგა ბოკერია.
