უკრაინული ძალების მიერ რუსულ ნავთობგადამამუშავებელ ქარხნებზე განხორციელებული წარმატებული დარტყმების შედეგად, რუსეთის სხვადასხვა რეგიონში საწვავის სერიოზული დეფიციტი შეიქმნა.
მედიის ცნობით, ბენზინგასამართ სადგურებზე კილომეტრიანი რიგებია წარმოდგენილი, სადაც საწვავის დეფიციტის გამო მძღოლებს შორის ფიზიკური დაპირისპირებებიც ხდება.
ადგილობრივი წყაროების ინფორმაციით, ბენზინგასამართ სადგურების უმეტესობაზე საწვავის გაყიდვაზე სპეციალური შეზღუდვები და ლიმიტები უკვე დაწესდა. უკრაინული მხარე რუსეთის ტერიტორიაზე მდებარე ნავთობგადამამუშავებელ ქარხნებსა და საწვავის ბაზებზე ინტენსიურ იერიშებს ამ დრომდე აგრძელებს.
