მდინარაძე: თუ ვინმემ გაკადრათ, რომ ფულის სანაცვლოდ წამოდით ხვალინდელ აქციაზეო, არცერთი ადამიანი არ მოვიდეს

ძალიან სერიოზული მუხტი იგრძნობა, როცა ჩვენს წარმომადგენლებს ვუკავშირდებით რეგიონებში – ხვალ იქნება ძალიან ბევრი ადამიანი და ისინი კიდევ ერთხელ იტყვიან, რომ გამარჯვება უნდა მივიყვანოთ ბოლომდე და განვითარებასა და ევროპულ მომავალს ალტერნატივა არ აქვს, – ამის შესახებ „ქართული ოცნების“ აღმასრულებელმა მდივანმა, მამუკა მდინარაძემ განაცხადა.

მისივე თქმით, შეუძლებელია, რომ ამ ქვეყანაში როდესმე ბოროტებამ სიკეთეზე გაიმარჯვოს.

„არ უნდა მოხდეს არცერთი შემთხვევა, როდესაც სიმართლეზე ტყუილი გაიმარჯვებს. სიმართლე გაიმარჯვებს ყოველთვის, რადგან შეუძლებელია ფეიკებით ვინმემ აჯობოს ქართულ საზოგადოებასა და ქვეყანას. ამას იტყვიან ხვალ ჩვენი თანამოქალაქეები. მეორე მხარეს მყოფი ადამიანები, რომლებიც ამ ფეიკის ავტორები არიან, სრულ პანიკაში არიან: წარმოუდგენელი ამბები ხდება, დისკრედიტაციის მცდელობა, საოცარი ფეიკები. თურმე 50 ლარს ვარიგებთ თითოეული მონაწილისთვის. მე მივმართავ თუნდაც ერთ ადამიანს, რომელსაც თეორიულად მაინც დავუშვათ, რომ ვინმე ამას შესთავაზებს: არცერთი მათგანი, ვისაც ამას აკადრებენ, არ მოვიდეს აქციაზე. თუ ვინმემ გაკადრათ, რომ ფულის სანაცვლოდ წამოდით აქციაზეო, არცერთი ადამიანი არ მოვიდეს აქციაზე“, – განაცხადა მამუკა მდინარაძემ.

წინა სტატიაშიკახა კალაძე სასტუმრო „ჰილტონ გარდენ ინნ თბილისის“ გახსნის ღონისძიებას დაესწრო
შემდეგი სტატიამამუკა მდინარაძე ხვალინდელ აქციაზე: შუქჩრდილებით ხალხის გაბევრება, დაწოლილი კადრები არ იქნება