“ქართული ოცნების” ერთ-ერთი ლიდერის, მამუკა მდინარაძის განცხადებით, მმართველი პარტია ოპოზიციონერი დეპუტატების მოთხოვნას საპარლამენტო მანდატების გაუქმების მოთხოვნით, ალბათ, კიდევ ერთხელ არ დააკმაყოფილებს.
“საბოტაჟი, ეს არის რეალური მოცემულობა მათი მხრიდან, ეს არის საბოტაჟის ერთ-ერთი მკაფიო გამოხატულება – მათ მიერ მანდატების დატოვების მცდელობა. ჩვენ ამ საბოტაჟის წინააღმდეგ ბერკეტი ავამოქმედეთ და არ დავუკმაყოფილეთ, ალბათ ახლაც ასე მოვიქცევით”, – თქვა მამუკა მდინარაძემ “იმედის” ეთერში.
3 მარტს, ოპოზიციური პარტიების საერთო შეხვედრის შემდეგ “გირჩი – მეტი თავისუფლების” ლიდერმა, ზურა ჯაფარიძემ თქვა, რომ ოპოზიციონერმა დეპუტატებმა პარლამენტს კიდევ ერთხელ უნდა მიმართონ მანდატების შეწყვეტით მოთხოვნით.
