მდინარაძე – ოპოზიციამ ოღონდ ლგბტ პროპაგანდის მხარეს დგომა რაღაცით „გაიპრავოს“ და ახლა ვითომ ფასებით შეწუხდნენ

რაც ნეგატიურად ვერ გაპიარდება, იქ ოპოზიციას ინტერესი არ აქვს, სიღრმისეულ და ლოგიკურ ბრძოლაში ვერაფერს ახერხებენ, პოპულისტურ, ტრაფარეტულ განცხადებებს აკეთებენ, ოღონდ, ლგბტ პროპაგანდის მხარეს დგომა რაღაცით „გაიპრავონ“ და ვითომ ახლა ფასებით შეწუხდნენ, – ამის შესახებ საპარლამენტო უმრავლესობის ლიდერმა, მამუკა მდინარაძემ განაცხადა.

მდინარაძის თქმით, სინამდვილეში, როცა წინა წლებში, პანდემიის დროს, ფასები იზრდებოდა და ინფლაცია იყო მაღალი, მაშინ ეს არ ახსოვდათ.

„მაშინ, მათთვის მნიშვნელოვანი სიტყვა-რუსულის პოპულარიზაცია იყო, ახლა ფასებმა შეაწუხათ, როცა შედარებით დასტაბილურდა. ევროკავშირის კანდიდატ ქვეყნებს შორის ყველაზე დაბალი ინფლაცია გვაქვს დღეს. 2023 წელს საქართველოში ინფლაცია ყველაზე დაბალი იყო კანდიდატ ქვეყნებს შორის. ახლა გააქტიურეს თემა. ხალხის გაჭირვება არ აინტერესებთ, უნდათ, გადაფარონ ლგბტ პროპაგანდა, რაც ქართველი ხალხისთვის მნიშვნელოვანი თემაა. ფასები მომატებული რომ არის, ახლა გაიგეს? მათ საგნობრივ დისკუსიაში შესვლა უჭირთ, პოპულიზმით არიან დაკავებული“, – განაცხადა მდინარაძემ.

banner
წინა სტატიაშიქუთაისის 41-ე საჯარო სკოლაში თიბისიმ განათლების სივრცე გახსნა
შემდეგი სტატიააფხაზეთის მთავრობის წარმომადგენლებმა ჟიული შარტავას ხსოვნას პატივი მიაგეს