საქართველოს მთავრობამ საპატრიარქოს მცხეთასა და ლანჩხუთში სახელმწიფო საკუთრებაში არსებული უძრავი ქონება გადასცა. საუბარია მიწის ნაკვეთებზე. შესაბამის განკარგულებებს ხელი ირაკლი კობახიძემ 2026 წლის 20 იანვარს მოაწერა.
საპატრიარქოს გადაეცა 5 486 კვ.მ მიწა ცხვარიჭამიაში 49 წლით:
მთავრობის N115 განკარგულების თანახმად, საპატრიარქოს მცხეთის მუნიციპალიტეტში, სოფელ ცხვარიჭამიაში მდებარე 5 486 კვ/მ ფართობის არასასოფლო-სამეურნეო დანიშნულების მიწის ნაკვეთი გადაეცა. ქონება გადაცემულია უსასყიდლო უზუფრუქტის უფლებით. ხელშეკრულების გაფორმებიდან 49 წელი.
ასევე ლანჩხუთის ქონება 1 ლარად საკუთრებაში
N116 განკარგულებით, მთავრობამ ეკლესიას საკუთრებაში გადასცა ლანჩხუთის მუნიციპალიტეტში მდებარე აქტივები. საუბარია სოფელ ხაჯალიასა და ნიგვზიანის მიმდებარედ არსებულ 443.00 კვ/მ მიწის ნაკვეთსა და მასზე განთავსებულ 1 შენობა-ნაგებობაზე. პირდაპირი მიყიდვის ფორმით პრივატიზება სიმბოლურ 1 ლარად.
ორივე განკარგულებით, შესაბამისი ღონისძიებების გატარება ეკონომიკისა და მდგრადი განვითარების სამინისტროს სახელმწიფო ქონების ეროვნულ სააგენტოს დაევალა.
