საავტომობილო გზების დეპარტამენტის მიერ გავრცელებული ინფორმაციით, მცხეთა–სტეფანწმინდა–ლარსის საავტომობილო გზაზე ყველა სახის ტრანსპორტის მოძრაობა აიკრძალა.
აღნიშნული შეზღუდვების მიზეზი, მითითებულ მონაკვეთზე ავტოსაგზაო შემთხვევა გახდა.
“საგზაო-სატრანსპორტო შემთხვევის გამო, საერთაშორისო მნიშვნელობის მცხეთა–სტეფანწმინდა–ლარსის საავტომობილო გზის კმ31 (ჟინვალი-ანანური) მონაკვეთზე დროებით აკრძალულია ყველა სახის ავტოტრანსპორტის მოძრაობა”, – წერს საავტომობილო გზების დეპარტამენტი სოციალურ ქსელში.
ჯერჯერობით უცნობია, როდის აღდგება მოძრაობა მცხეთა–სტეფანწმინდა–ლარსის საავტომობილო გზაზე.
