„ქართული ოცნების“ წევრის, დავით მათიკაშვილის განცხადებით, „ნაციონალურმა მოძრაობამ“ საკუთარი დესტრუქციული და ანტიეროვნული ქმედებებით თავადვე გამოიწვია ის მძიმე მდგომარეობა, რომელშიც დღეს იმყოფება. დეპუტატის თქმით, „აგენტურული ოპოზიცია“ ერთმანეთში ვერ ლაგდება და მათი ერთადერთი მამოძრავებელი ძალა საკუთარი ამბიციებია.
„დაველოდოთ საკონსტიტუციო სასამართლოს გადაწყვეტილებას. დიდი იმედი გვაქვს, რომ ის, როგორც პოლიტიკურ ერთეულს, ამ რადიკალურ აგენტურულ ოპოზიციას გააქრობს პოლიტიკური ველიდან. საზოგადოების მიერ მათთვის უკვე გამოტანილია განაჩენი“, — აღნიშნა დავით მათიკაშვილმა.
