მატარებლის შეჯახების შედეგად სამტრედიაში დაღუპული ბიჭი 21 წლის ხვიჩა ირემაძეა,_ ინფორმაციას გამოცემა “მთავარი ამბები” ავრცელებს.
როგორც გამოცემა წერს, ის ჩოხატაურის მუნიციპალიტეტის სოფელ ჩხაკაურაში ცხოვრობდა.
შემთხვევა გვიან ღამით მოხდა. ახალგაზრდა კაცს ბათუმი-ქუთაისის მატარებელი შეეჯახა. თავდაპირველად გავრცელდა ინფორმაცია, რომ მან მრავლობითი დაზიანება მიიღო და მისი მდგომარეობა მძიმე იყო. თუმცა, მოგვიანებით დაზუსტდა, რომ ბიჭი ადგილზე დაიღუპა.
შინაგან საქმეთა სამინისტრომ მომხდარზე გამოძიება სსკ-ის 275-ე მუხლით დაიწყო, რაც რკინიგზის, წყლის, საჰაერო ან საბაგირო ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს
