„ლიბანში ისრაელის ხელახალი შეჭრა ცეცხლის შეწყვეტის შესახებ თავდაპირველი შეთანხმების აშკარა დარღვევაა. ეს მოტყუებისა და შეთანხმებებისადმი ერთგულების არარსებობის საშიში ნიშანია. ამ ქმედებების გაგრძელება მოლაპარაკებებს აზრს დაუკარგავს. ჩვენი თითები კვლავ სასხლეტზეა. ირანი არასდროს მიატოვებს თავის ლიბანელ დებსა და ძმებს“, – დაწერა ირანის პრეზიდენტმა სოციალურ ქსელში.
„ესოშიეთიდ პრესის“ ინფორმაციით, ცეცხლის ორი კვირით შეწყვეტის შესახებ შეთანხმების მიუხედავად, ისრაელი ლიბანის მიმართულებით იერიშებს აგრძელებს. როგორც ქვეყნის პრემიერ-მინისტრმა, ბენიამინ ნეთანიაჰუმ განაცხადა, „ჰეზბოლაზე“ დარტყმები იქამდე გაგრძელდება, ვიდრე ისრაელში ჩრდილოეთის მცხოვრებლებისთვის სრული უსაფრთხოება არ აღდგება.
