ვენესუელაში ბლოკმა ‘დემოკრატიული ერთიანობა” გუშინ ვენესუალაში გამართულ ეროვნული ასამბლეის (პარლამენტის) არჩევნებში მოიგო – ასეთია კენჭისყრის პირველადი შედეგები – ინფორმაციას “როიტერსი” ავრცელებს.
წინასწარი მონაცემებით, ბლოკი 99 ადგილს აიღებს პარლამენტში, ერთიანი ნაციონალისტური პარტია კი, რომლის ლიდერიც ქვეყნის მოქმედი პრეზიდენტი ნიკოლას მადუროა – 46 ადგილს. შედეგები ვენესუალას ყველა რაიონში არ არის დათვლილი.
განსვენებული პრეზიდენტის უგო ჩავესის პოლიტიკური ოპონენტები 15 წლის განმავლობაში პირველად იღებენ უმრავლესობას უმაღლეს საკანონმდებლო ორგანოში.
არჩევნებზე დარეგისტრირებული იყო დაახლოებით 19,4 მილიონი ამომრჩეველი. აქტიურობა 74,25%-ით შეფასდა. ჯერეჯრობით, რაიმე სახის დარღვევებზე არ გავრცელებულა ინფორმაცია.
ახალი მოწვევის პარლამენტი 2016 წლის იანვარში შეუდგება მუშაობას.