მარტვილში კორონავირუსი გუშინ დაუდასტურდა მასწავლებელს, რომელიც ორ სკოლაში ასწავლის.
როგორც ,,თაიმერისთვის” ცნობილი ხდება, კერძო სკოლა ,,სხივმა” ორშაბათამდე სწავლა შეწყვიტა და დისტანციურ სწავლებაზე გადავიდა, ამის მიზეზად კი მშობლების თხოვნა სახელდება. ხოლო რაც შეეხება სოფელ ინჩხურის საჯარო სკოლას, ყველა ის კლასი გადავიდა დისტანციურ სწავლებაზე, რომელსაც ინფიცირებული მასწავლებელი ასწავლიდა.
როგორც მარტვილის საზოგადოებრივი ჯანდაცვის ცენტრში აცხადებენ, ინფიცირების წყარო ცნობილია და ყველა შესაბამისი ღონისძიება გატარდება.
ავტორი: აკო ქიქავა
