“მარტვილში, გმირთა მემორიალის სარეაბილიტაციო სამუშაოებს გავეცანი, აღნიშნული პროცესი აქტიურად მიმდინარეობს.
ჩემი გუბერნატორობის დროს, მარტვილის მოსახლეობას მივეცი პირობა, რომ ძველ იერსახეს დავუბრუნებდი მემორიალს, სწორედ ჩემი ინიციატივით დაიწყო სარეაბილიტაციო სამუშაოები. პროექტის ფარგლებში რეაბილიტაცია უტარდება არსებულ მემორიალურ დაფას და ძეგლს, კასკადს, კიბეს და აუზს, მოეწყობა ღობე. პროექტის ღირებულება 667 222 ლარს შეადგენს. სამუშაოებს შპს „დაგი“ ასრულებს”-აცხადებს მაჟორიტარი დეპუტატი ალექსანდრე მოწერელია.
