მარტვილში პოლიტიკური კრიზისია. ერთი კვირის წინ არჩეული საკრებულოს თავმჯდომარე შეიძლება თანამდებობიდან გადააყენონ.
“მარტვილის საკრებულოს თავმჯდომარემ ლევან სურმავამ თავად აღიარა, რომ მარტვილში პოლიტიკური კრიზისია. ყველაფერი შეიძლება მისი გადაყენებით დასრულდეს”, – ამბობს “თაიმერთან” საუბარში მარტვილის საკრებულოს წევრი “ნაციონალური მოძრაობიდან” გოჩა ჯიქია.
ჯიქიას თქმით, 8 დეკემბერს გამართულ სხდომაზე ვერც საკრებულოს თავმჯდომარის მოადგილეები აირჩიეს და ვერც კომისიის თავმჯდომარეები.სხდომაზე არ გამოცხადდნენ ფრიდონ ინჯიას ევროპელი სოციალისტები.
“ეტყობა გაბუტულები არიან, ხელისუფლება დანაპირებს არ შეუსრულებდა”, – ამბობს ჯიქია.
მისი თქმით, პროცესები ისე მიდის, რომ ოპოზიცია მარტვილის საკრებულოს თავმჯდომარეს გადააყენებს.