მარტვილში, მე-2 საბავშვო ბაღში სხვადასხვა ჯგუფის 16აღსაზრდელი მოიწამლა-ამის შესახებ მარტვილიდან ,,თაიმერის” ჟურნალისტი აკო ქიქავა იუწყება. მისივე ინფორმაციით, ამ დროისათვის ბავშვები საავადმყოფოში არიან გადაყვანილი და შესაბამისი გამოკვლევები უტარდებათ . ჯერ-ჯერობით უცნობია მიზეზი, თუ რა გახდა 16 ბაღის მოსწავლის მოწამვლის მიზეზი. მომხდარს შინაგან საქმეთა სამინისტრო იძიებს.
მოწამლული აღსაზრდელები სამეგრელო-ზემო სვანეთის გუბერნატორმა, ალექსანდრე მოწერელიამ მოინახულა.
მისი ინფორმაციით, ბავშვების მდგომარეობა უკეთესია და მიზეზების დასადგენად მოკვლევა მიმდინარეობს .
,, ბავშვების მდგომარეობა უკეთესია, მიზეზების დასადგენად მიმდინარეობს მოკლვლევა, ჩართულია სურსათის უვნებლობა და მობილიზებული მედპერსონალი. მიზეზების დადგენა დროულად მოხდება და შესაბამისად იქნება რეაგირებაც”-განაცხადა მოწერელიამ.