სტამბოლში მომხდარ აფეთქებებს სოციალურ ქსელში ეხმაურება ევროპარლამენტის პრეზიდენტი.
„თანაგრძნობას ვუცხადებ თურქეთის მოქალაქეებს და სტამბოლში მომხდარი თავდასხმის მსხვერპლთა ოჯახებს. დაშავებულებს სწრაფ და სრულ გამოჯანმრთელებას ვუსურვებ“, – წერს მარტინ შულცი „ტვიტერში“.
შეგახსენებთ, რომ სტამბულში 10 დეკემბერს ღამით საფეხბურთო მატჩის შემდეგ განხორციელებულ ორ ტერაქტს, დასავლური სააგენტოების მიერ გავრცელებული ინფორმაციით სულ ცოტა 13 ადამანი ემსხვერპლა, 40-მდე კი დაჭრილია.
