საქართველოსა და უკრაინის ვიზალიბერალიზაციის საკითხზე გადაწყვეტილება ევროკავშირის საბჭომ უნდა მიიღოს, – აცხადებს ევროპარლამენტის თავმჯდომარე მარტინ შულცი:
“ჩვენ ევროპარლამენტში ყველაფერი გავაკეთეთ, რომ გადაწყვეტილების მიღების პროცესი დაგვეჩქარებინა. ჩვენ მოვამზადეთ ყველაფერი, შესაბამის კომიტეტებში გაიმართა კენჭისყრები ერთი მხრივ ვიზალიბერალიზაციაზე, ხოლო მეორე მხრივ – შეჩერების მექანიზმზე. ახლა გადაწყვეტილება აქ არის მისაღები, საბჭოში და არა ევროპარლამენტში. ვიმედოვნებ, რომ წევრი ქვეყნები გადაწყვეტილებას იპოვიან”,- განაცხადა შულცმა უკრაინა-ევროკავშირის სამიტის დაწყებამდე.
