მართვის მოწმობის თეორიულ გამოცდას 30 სექტემბრიდან რამდენიმე საკითხი ემატება. კერძოდ, როგორც შინაგან საქმეთა მინისტრის 31 აგვისტოს ბრძანებაშია აღნიშნული, მართვის მოწმობის თეორიული გამოცდის ტესტებს ეკო-მართვის საგამოცდო ტესტები ემატება.
ჯამში საუბარია 51 საკითხზე.
მინისტრის ბრძანებას თან ახლავს დანართები, რომელშიც ეკო-მართვის საგამოცდო ბილეთები და მათი სწორი პასუხებია მოცემული.
ბილეთებისა და სწორი პასუხის ნახვა დაინტერესებულ პირებს შსს-ს მომსახურების სააგენტოს ვებ-გვერდზე შეუძლიათ.