მართმადიდებლური ეკლესია ბზობის დღესასწაულს აღნიშნავს

მართლმადიდებელი ეკლესია დღეს ბზობის დღესასწაულს აღნიშნავს. სადღესასწაულო ლიტურგია ყველა მოქმედ ტაძარში ტარდება.

სრულიად საქართველოს კათოლიკოს პატრიარქი წირვას სამების საკათედრო ტაძარში 10:00 საათზე დაიწყო.

ბზობა 12 საუფლო დღესასწაულს შორის ერთ-ერთია და აღდგომის წინა კვირას აღინიშნება. ამ დღეს ეკლესია მაცხოვრის იერუსალიმში დიდებით შესვლას იხსენებს. სახარების მიხედვით, ლაზარეს მკვდრეთით აღდგენის შემდეგ, ქრისტე პასექის დღესასწაულის აღსანიშნავად იერუსალიმში ჩავიდა. ის ქალაქში ვირზე ამხედრებული შევიდა, მოსახლეობა კი, ზეიმით შეეგება. ისინი მაცხოვარს საკუთარ სამოსელს და პალმის რტოებს უფენდნენ და გალობდნენ „ოსანა მაღალთა შინა ღმერთსა! კურთხეულ არს მომავალი სახელითა უფლისათა!“ მორწმუნეები ამ დღეს ტაძარში ბზის ტოტებით მიდიან, რომელსაც შემდეგ მთელი წლის განმავლობაში ინახავენ.

banner
წინა სტატიაშითურქეთის დედაქალაქში გეი-აღლუმის ჩატარება დაუშვეს
შემდეგი სტატია160 გარდაცვლილი – შრი ლანკაზე 3 ეკლესია და სასტუმრო ააფეთქეს (+ფოტო)