დღეს ჩვენ მივიღეთ გადაწყვეტილება, სომხური პროდუქციის 80%-ს ევროკავშირში ტარიფების გარეშე შესვლის უფლება მივცეთ,- წერს ევროკავშირის გაფართოების საკითხებში ევროკომისარი მარტა კოსი X-ზე.
,,ეს არის ჩვენი პასუხი რუსეთის მიერ სომეხი მწარმოებლებისა და ფერმერებისთვის საკუთარი ბაზრის ჩაკეტვაზე, რაც ევროპასთან დაახლოების შესახებ სომხეთის დემოკრატიულ არჩევანს მოჰყვა.
ევროკავშირი კვლავაც მტკიცედ დაუჭერს მხარს სომხეთის უფლებას, თავად აირჩიოს საკუთარი მომავალი”,- წერს მარტა კოსი X-ზე.
