მარნეულის მუნიციპალიტეტის ერთ-ერთ სოფელში სახლი დააყაჩაღეს – ინფორმაციას Aktual.ge ავრცელებს.
გამოცემის ცნობით, 24 დეკემბერს, შუადღის საათებში უცნობი პირები საცხოვრებელ სახლში შეიჭრნენ, სადაც მარტო მყოფ შუახნის ქალს სიცოცხლის მოსპობით დაემუქრნენ, სახლიდან კი 14 000 ლარი და ძვირფასეულობა წაიღეს.
Aktual.ge-ს ცნობით, გუშინ შუადღიდან ღამემდე სამართალდამცველებმა ადგილზე საგამოძიებო მოქმედებები ჩაატარეს, თუმცა მძარცველები ჯერჯერობით არ დაუკავებიათ.
გამოძიება სისხლის სამართლის კოდექსის 179-ე მუხლის პირველი ნაწილით მიმდინარეობს.
