მარნეულში მომხდარ ინციდენტზე პროკურატურამ გამოძიება დაიწყო

მარნეულის პოლიციის მუშაკების მიერ კ.კ-ს მიმართ განხორციელებული ძალადობის ფაქტზე პროკურატურამ გამოძიება დაიწყო, – ამის შესახებ ინფორმაციას საქართველოს პროკურატურა ავრცელებს.

„2018 წლის 24 ნოემბერს, ქვემო ქართლის საოლქო პროკურატურაში გამოძიება დაიწყო მარნეულის პოლიციის მუშაკების მიერ კ.კ-ს მიმართ განხორციელებული ძალადობის ფაქტზე, საქართველოს სსკ-ის 333-ე მუხლის მესამე ნაწილის ,,ბ ” ქვეპუნქტით გათვალისწინებული დანაშაულის ნიშნებით.

გამოძიება უკვე დაუკავშირდა კონკრეტული ფაქტის შეტყობინების ინიციატორს გ.ქ.-ს, რომელმაც სატელეფონო საუბარში განმარტა, რომ არ იცნობდა კ.კ.-ს და არ ჰქონდა მისი საკონტაქტო მონაცემები, ასევე ის არ იყო ფაქტის თვითმხილველი მოწმე და გამოძიებას მომხდარის ირგვლივ ინფორმაციას ვერ მიაწვდიდა.

პროკურატურამ დაადგინა კ.კ.-ს ვინაობა და საკონტაქტო ინფორმაცია. იგი დროებით იმყოფებოდა მარნეულში, სადაც ბლოკის ერთ-ერთ საამქროში მუშაობდა.ამ დროისთვის გამოძიება ცდილობს მასთან დაკავშირებას.

გამოიკითხებიან ის პოლიციელები, რომლებიც შესაძლოა ფლობდნენ გამოძიებისთვის რაიმე სახის მნიშვნელოვან ინფორმაციას“, – აღნიშნულია საქართველოს პროკურატურის ინფორმაციაში

banner
წინა სტატიაშიმამუკა ბახტაძე – ჩვენი რეგიონები უნდა გახდეს სიცოცხლისუნარიანი და განვითარებული
შემდეგი სტატიაპოლიტიკური კორუფცია – ლევან ხაბეიშვილი სავაჭრო ცენტრ “საბას” ადმინისტრაციის მხრიდან თანამშრომლებზე განხორციელებულ ზეწოლაზე