მარნეულში კორონავირუსით დაინფიცირებული ქალი თბილისში გადმოიყვანეს. პაციენტი პირველ საუნივერსიტეტო კლინიკაშია მოთავსებული. 62 წლის ქალი მართვით სუნთქვაზე იმყოფება.
21 მარტს საქართველოში საგანგებო მდგომარეობა ამოქმედდა. კორონავირუსი ქვეყანაში უკვე 54 ადამიანს დაუდასტურდა. მათგან სამი ინფექციური კლინიკიდან უკვე გაეწერა. ვირუსით ინფიცირების პირველი შემთხვევა ქვეყანაში 2020 წლის 26 თებერვალს დადასტურდა. დაავადებული საქართველოს მოქალაქე ქვეყანაში აზერბაიჯანის გავლით ირანიდან შემოვიდა და კლინიკიდან უკვე გაეწერა.
