მარნეულის მუნიციპალიტეტში ერთ მოქალაქეს მიწას იძულებით ჩამოართმევენ. ეკონომიკის მინისტრის ბრძანებით, ექსპროპრიაცია განხორციელდება სასოფლო-სამეურნეო (საკარმიდამო) დანიშნულების 1550 კვ.მ. მიწის ნაკვეთის ნაწილზე, კერძოდ, 184 კვ.მ-ზე.
ამასთანავე, იძულებითი ჩამოერთმევა მოქალაქეს ამავე მიწის ნაკვეთზე განთავსებული მრავალწლიანი ნარგავები და ერთწლიანი კულტურები.
სამინისტროს განმარტებით, აღნიშნული მიწის ნაკვეთი ექცევა რუსთავი – წითელი ხიდის და რუსთავი – სადახლოს საავტომობილო გზის (ლოტი 3 და ლოტი 4) მშენებლობის ზემოქმედების არეალში.
დოკუმენტების მიხედვით, საავტომობილო გზების დეპარტამენტსა და მესაკუთრეს შორის გამოსყიდვასთან დაკავშირებით მოლაპარაკებები ვერ შედგა, რის შემდეგაც ეკონომიკის სამინისტრომ დეპარტამენტს ექსპროპრიაციის უფლება მიანიჭა.
