მარნეულის „ჯეო ჰოსპიტალსის“ კლინიკიდან გაგზავნილი რვავე ტესტის პასუხი უარყოფითია.
როგორც „ჯეო ჰოსპიტალსის“ კლინიკურმა დირექტორმა, ტატა შენგელაიამ განაცხადა, საეჭვო სიმპტომების მქონე რვა პაციენტს ბიოლოგიური მასალა გუშინ აუღეს. ნიმუშები ლუგარის ლაბორატორიაში იყო გაგზავნილი.
„ჯეო ჰოსპიტალსის“ კლინიკის ექიმების განცხადებით, რვავე პაციენტის ჯანმრთელობის მდგომარეობა დამაკმაყოფილებელია და მკურნალობის კურსის დასრულების შემდეგ ბინაზე გაეწერებიან.
მარნეულის მუნიციპალიტეტი 23 მარტიდან მკაცრ საკარანტინო ზონად არის გამოცხადებული. მუნიციპალიტეტის გახსნა 18 მაისს იგეგმება.
