მარნეულის „ჯეო ჰოსპიტალსის“ კლინიკიდან გაგზავნილი თხუთმეტივე ტესტის პასუხი კორონავირუსზე უარყოფითია.
როგორც საქართველოს პირველ არხს კლინიკაში განუცხადეს, 15-დან სამი პაციენტი იყო, 12 კი კლინიკის თანამშრომელი. არც ერთ მათგანს „კოვიდ 19“ არ დაუდასტურდა.
ამ დროისთვის მარნეულის მუნიციპალიტეტში ლუგარის ლაბორატორიიდან 370-მდე ტესტის პასუხს ელოდებიან. საუბარია იმ ადამიანებზე, რომლებიც საჯარო სივრცეებში მუშაობენ.