სოციალურ ქსელში ვრცელდება ვიდეოკადრები მარნეულის იმამ ალის მეჩეთიდან, სადაც მორწმუნეები რელიგიურ საგალობელს ირანის უზენაესი ლიდერის, აიათოლა ალი ხამენეის დიდი ზომის პლაკატის წინაშე ასრულებენ. იინფორმაცია თავდაპირველად გამოცემა „აქტუალ ჯი“-მ გაავრცელა. აღნიშნული რელიგიური ობიექტი მედიის ყურადღების ცენტრში წარსულშიც არაერთხელ მოქცეულა ანტიამერიკული განცხადებებისა და ირანის თეოკრატიული რეჟიმის ღია მხარდაჭერის გამო. კადრების გავრცელებას საზოგადოებაში მკვეთრად არაერთგვაროვანი და მწვავე გამოხმაურება მოჰყვა.
ამ დროისთვის მეჩეთის ადმინისტრაციას გავრცელებულ კადრებთან დაკავშირებით დამატებითი განმარტება არ გაუკეთებია.
