ჩრდილო-ატლანტიკური ალიანსის გენერალური მდივანი, მარკ რუტე აცხადებს, რომ NATO ერთდროულად მრავალი საფრთხის წინაშე დგას – თუმცა ის ყოველთვის გააკეთებს იმას, რაც საჭიროა ყველა მოკავშირის დასაცავად.
„საფრთხეები, რომლის წინაშეც ვდგავართ, დიდია – არქტიკიდან ხმელთაშუა ზღვამდე, კოსმოსიდან ზღვის ფსკერამდე, რაკეტებიდან და დრონებიდან კიბერშეტევებამდე. გრძელდება უკრაინის წინააღმდეგ რუსეთის ომი, ჩინეთის სამხედრო მოდერნიზაცია და ბირთვული გაფართოებაც. ირანი ტერორსა და ქაოსს ავრცელებს. […] ბოლო კვირების განმავლობაში NATO-მ ირანიდან თურქეთისკენ მიმართული ბალისტიკური რაკეტები ოთხჯერ წარმატებით ჩაჭრა. NATO მზადაა ასეთი საფრთხეებისთვის და ყოველთვის გააკეთებს იმას, რაც საჭიროა თურქეთისა და ყველა მოკავშირის დასაცავად”,_ ამბობს რუტე.
დღესვე, NATO-ს გენერალური მდივანი თურქეთის პრეზიდენტს, რეჯეფ თაიფ ერდოღანს შეხვდა. ადგილობრივი მედიის ცნობით, ანკარაში შეხვედრა დახურულ კარს მიღმა გაიმართა და მისი დეტალები უცნობია
