საფრანგეთის ქალაქ კოგოლენის მერმა მარკ ეტენ ლანსადმა მუსლიმებს მოუწოდა ფრანგულ წეს-ჩვეულებებს პატივი სცენ ან არ ჩამოვიდნენ ქვეყანაში. ამის შესახებ მან CNN-თან ინტერვიუში განაცხადა.
“ისე უნდა იქცეოდეთ, როგორც ის ხალხი, რომლებმაც შეგიკედლათ, სხვა არაფერი. თუკი რომში მიგიღეს – მოიქეცით ისე, როგორც რომაელები. შეეცადეთ შიშვლებმა გაიაროთ საუდის არაბეთში და ნახავთ რაც მოგივათ” – თქვა ლანსადმა, რომლიც “ნაციონალური ფრონტის” წევრია. მან პირობა დადო, რომ ბურკინის აკრძალვას არ გააუქმებს ქალაქში.
