უკრაინის საგარეო საქმეთა მინისტრმა დმიტრო კულებამ განაცხადა, რომ ვითარება ალყაში მოქცეულ მარიუპოლში შეიძლება გახდეს „წითელი ხაზი“ რუსეთთან მოლაპარაკებებში.
საგარეო საქმეთა სამინისტროს ხელმძღვანელმა „საშინელება“ უწოდა იმას, რაც ქალაქში ხდება.
„რუსეთთან მოლაპარაკებებში მარიუპოლი შეიძლება, აღმოჩნდეს წითელი ხაზი“, – აღნიშნა კულებამ.
მან დასძინა, რომ ბოლო დროს უკრაინასა და რუსეთს შორის საგარეო საქმეთა სამინისტროების დონეზე დიპლომატიური კონტაქტები არ ყოფილა.
