თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით საქართველოში გამოვლენილი კორონავირუსის რვა ახალი შემთხვევიდან ექვსი საკარანტინო სივრციდანაა, ხოლო ორი ბოლნისს უკავშირდება.
მისივე თქმით, რვავე პაციენტი მათ ცენტრშია მოთავსებული.
საერთო ჯამში, ინფექციურ საავადმყოფოშო კორონავირუსით ინფიცირებული 40 პაციენტი მკურნალობს, კოვიდ-ცენტრებში კი ჯამში – 158.
„გუშინ დღე-ღამის განმავლობაში, დილამდე შემოვიდა 8 დადასტურებული შემთხვევა და ერთი სწრაფი ტესტით დადასტურებული, რომელიც კონფირმაციას საჭიროებს, დღეს ცხვირ-ხახის ნაცხი გაკეთდება და „პისიარ“ კვლევა ჩაუტარდება“, -აღნიშნა ეზუგბაიამ.
მარინა ეზუგბაიას განმარტებით, რვა ახალ შემთხვევაში რისკ-ჯგუფში შემავალი პირები არ არიან.
„ამ რვა ახალ შემთხვევაში ხანდაზმულები არ არიან, არის ერთი 16 წლის მოზარდი“,- დასძინა ეზუგბაიამ.