ინფექციური საავადმყოფოს სამედიცინო დირექტორის, მარინა ეზუგბაიას, თქმით, ახალი კორონავირუსით ინფიცირებული პაციენტი #5 უკვე გამოჯანმრთელდა და საავადმყოფო 24 მარტს დატოვა. ის რიგით მე-10 გამოჯანმრთელებულია.
ამ დროისთვის საქართველოში ახალი კორონავირუსის დადასტურებული 73 შემთხვევაა, მათგან აქტიური 63-ია. საქართველოში არცერთი ინფიცირებული არ გარდაცვლილა.
ახალი კორონავირუსის გავრცელების პრევენციის მიზნით, ქვეყანაში 21 აპრილამდე საგანგებო მდგომარეობაა გამოცხადებული.
