თბილისის ინფექციური საავადმყოფოს სამედიცინო დირექტორის, მარინა ეზუგბაიას განცხადებით, კორონავირუსის შესაძლო მეორე ტალღასთან დაკავშირებით საუბარი ახალა არ დაწყებულა და ყველამ უნდა ისწავლოს კოვიდთთან ერთად ცხოვრება, თავის დაცვა და შესაბამისად, სხვა ადამიანების მოფრთხილება.
„რაც იქნება იმას უნდა შევებრძოლოთ. ლაპარაკი არის, რომ იქნება მეორე ტალღა. ეს ახლა არ უთქვამს არავის, ამაზე საუბარია, რომ კოვიდთთან ცხოვრება უნდა გავაგრძელოთ, უნდა ვისწავლოთ მასთან ერთად ცხოვრება. ეს იმას ნიშნავს, რომ ჩვენ თვითონ უნდა დავიცვათ თავი მუდმივ რეჟიმში, არ უნდა მოვდუნდეთ, შეძენილი უნარ-ჩვევები შევინახოთ და საჭიროების შემთხვევაში, გავაძლიეროთ, თითოეულმა ჩვენგანმა ვეცადოთ, დავიცვათ თავი ამ დაავადებისგან, რომ გვერდზე მდგომი ყველა დავიცვათ. თუ პირველ ეტაპზე მზად ვართ, მეორე ეტაპზეც მზად უნდა ვიყოთ“,- განაცხადა ეზუგბაიამ.
