მარინა ეზუგბაია: ამ ეტაპზე ქვეყანაში პრეპარატ „პლაქველინის“ მარაგი, რომლითაც კორონავირუსით ინფიცირებულებთან მკურნალობა ტარდება, საკმარისია

თაიმერი timer.ge
ავტ.: თაიმერი timer.ge აპრილი 8, 2020 20:19

მარინა ეზუგბაია: ამ ეტაპზე ქვეყანაში პრეპარატ „პლაქველინის“ მარაგი, რომლითაც კორონავირუსით ინფიცირებულებთან მკურნალობა ტარდება, საკმარისია

მნიშვნელოვანი

  • ამ ეტაპზე ქვეყანაში პრეპარატ „პლაქველინის“ მარაგი, რომლითაც კორონავირუსით ინფიცირებულებთან მკურნალობა ტარდება, საკმარისია

სხვა სტატიები

თბილისის ინფექციური კლინიკის სამედიცინო დირექტორის, მარინა ეზუგბაიას განცხადებით, ამ ეტაპზე ქვეყანაში პრეპარატ „პლაქველინის“ მარაგი, რომლითაც კორონავირუსით ინფიცირებულებთან მკურნალობა ტარდება, საკმარისია.

როგორც მარინა ეზუგბაიამ განმარტა, მომავალში მედიკამენტის შემოტანა იგეგმება.

„ჩვენ პირველებმა დავიწყეთ „პლაქველინის“ გამოყენება და ამ პრეპარატის გამოყენებას წინ უძღოდა ტელეხიდი ჩინელებთან. მათთან გასაუბრებისას გამოვლინდა, რომ „პლაქველინით“ მკურნალობის შედეგები ყველაზე კარგი იყო. ჩვენმა ხელმძღვანელმაც გადაწყვიტა, რომ თავიდანვე გამოგვეყენებინა „პლაქველინი“ და პირველი დღეებიდანვე, პირველივე პაციენტებიდანვე ჩვენ ვიყენებთ „პლაქველინს“. შედეგებზე ლაპარაკი ამ ეტაპზე ჯერ ძალიან ძნელია, მაგრამ მომავალში გამოჩნდება. კვლევებს თავისი ხასიათი აქვს, იქ უნდა ჩატარდეს სპეციალიზირებული კვლევები, რათა შეადაროთ ორი ჯგუფი ერთმანეთს „პლაქველინით“ მკურნალობაში მყოფი და „პლაქველინის“ გარეშე მკურნალობაში მყოფი. მაგრამ ჯერჯერობით, ჩინელების გამოცდილებას ვემხრობით და სხვა ქვეყნებიც იყენებენ.

ქვეყანაში, როგორც მე ვიცი, ამჟამად არსებულ პაციენტებზე ნამდვილად საკმარისია მარაგი და მომავალში იგეგმება შემოტანა ამ პრეპარატის“, – განაცხადა მარინა ეზუგბაიამ.

თაიმერი timer.ge
ავტ.: თაიმერი timer.ge აპრილი 8, 2020 20:19

Google სტატისტიკა


6,522
ვიზიტორი
დღეში
Powered By Google Analytics