საფრანგეთის პრეზიდენტობის კანდიდატის, ულტრამემარჯვენე მარინ ლე პენის პრესკონფერენციაზე ინციდენტი მოხდა.
პრესკონფერენციის მიმდინარეობისას დარბაზში მყოფმა ახალგაზრდა ქალმა გულის ფორმის პლაკატი გაშალა, ვლადიმერ პუტინისა და მარინ ლე პენის გამოსახულებებით.
სააგენტო „ფრანს პრესის“ ცნობით, ქალი დარბაზიდან უსაფრთხოების სამსახურის თანამშრომლებმა ძალით გაიყვანეს. ამის შემდეგ, დარბაზი კიდევ რამდენიმე ადამიანმა დატოვა. თავად მარინ ლე პენმა საპროტესტო აქციის მონაწილეებს პროვოკატორები უწოდა.
