საფრანგეთის ულტრამემარჯვენე პარტიის, „ეროვნული გაერთიანების“ ლიდერი, მარინ ლე პენი აცხადებს, რომ პატივს სცემს ჯორდან ბარდელას როლს, თუ ის პრემიერ-მინისტრი გახდება და მას არ სურს თავად იყოს მთავრობის ნაწილი.
კითხვაზე, შეეცდება თუ არა „ეროვნული გაერთიანება“ მთავრობის ფორმირებას, თუ ის არ მიიღებს უმრავლესობას ეროვნულ ასამბლეაში, ლე პენმა უპასუხა:
„ცხადია, ჩვენ ვერ მივიღებთ მთავრობაში წასვლას, თუ ვერ ვიმოქმედებთ, ჩვენ გვსურს ვმართოთ“, – აღნიშნა „ეროვნული გაერთიანების“ ლიდერმა.
ლე პენმა ასევე განაცხადა, რომ ის მთავრობაში არ იქნება და არც ეროვნული ასამბლეის პრეზიდენტი გახდება.
„მე ვიქნები დეპუტატთა ჯგუფის სათავეში“, – განაცხადა ლე პენმა.
