მანანა კობახიძე: საკონსტიტუციო უმრავლესობა საზოგადოებისგან გამოხატული მტკიცე მხარდაჭერის შედეგია

news
ავტ.: news ოქტომბერი 17, 2016 17:25

მანანა კობახიძე: საკონსტიტუციო უმრავლესობა საზოგადოებისგან გამოხატული მტკიცე მხარდაჭერის შედეგია

საკონსტიტუციო უმრავლესობა პირველ რიგში საზოგადოებისგან გამოხატული მტკიცე მხარდაჭერის შედეგია და უნდა განვიხილოთ, როგორც უნიკალური შესაძლებლობა ქვეყნის სტაბილურობის, მშვიდობიანი განვითარებისა და ეკონომიკური წინსვლისთვის, – ამის შესახებ პარლამენტის ვიცე-სპიკერმა, მანანა კობახიძემ საკონსტიტუციო უმრავლესობის თემის კომენტირებისას განაცხადა.

როგორც კობახიძემ აღნიშნა, „ნაციონალურმა მოძრაობამ“ მოირგო კონსტიტუცია და ბევრი ისეთი ცვლილება შეიტანა, რომელიც მხოლოდ აზარალებს ქვეყნის დემოკრატიულ განვითარებას.

„პირველ რიგში მოსალოდნელი საკონსტიტუციო უმრავლესობა სწორედ საზოგადოებისგან გამოხატული მტკიცე მხარდაჭერის შედეგია. ჩვენ ეს უნდა განვიხილოთ, როგორც უნიკალური შესაძლებლობა, რათა ქვეყნის სტაბილურობა, მშვიდობიანი განვითარება, ეკონომიკური წინსვლა იყოს შესაძლებელი, თავიდან ავიცილოთ პოლიტიკური რყევები, თუ სხვადასხვა ტიპის პარტიული ინტერესებით განპირობებული დაპირისპირებები და რა თქმა უნდა საზოგადოებასთან კონსენსუსის ძალიან ფართო შეთანხმების საფუძველზე ერთხელ და სამუდამოდ გავასწოროთ ის ხარვეზები, რაც არის კონსტიტუციაში, რაც აქამდე ვერ მოხერხდა. ყველამ ვიცით, რომ „ნაციონალურმა მოძრაობამ” მოირგო ეს კონსტიტუცია საკუთარ თავზე და ძალიან ბევრი ისეთი ცვლილება შეიტანა, რომელიც მხოლოდ აზარალებს ჩვენი ქვეყნის დემოკრატიულ განვითარებას. საკონსტიტუციო უმრავლესობას ჩვენ განვიხილავთ, როგორც უკეთეს შესაძლებლობას ქვეყნის უკეთესი განვითარებისთვის საზოგადოებასთან ერთად. ჩვენ ჩვენი ამომრჩევლისგან ძალიან ურყევი მხარდაჭერის იმედი და ჩვენი ქვეყნის უკეთესი მომავალი განვითარების იმედი გვაქვს”, – განაცხადა კობახიძემ.

news
ავტ.: news ოქტომბერი 17, 2016 17:25

გამოკითხვა

ამჟამად არცერთი გამოკითხვა არ მიმდინარეობს.

Google სტატისტიკა


6,111
ვიზიტორი
დღეში
Powered By Google Analytics